11
/ 100
ماهوب كل من يغيب ندوره وينه،،،
ما ندور إلا المهم الطيب الغالي
الغالي اللي يغار الزين من زينه،،،
وإن غاب ما غاب من قلبي وعن بالي
الله محليـه في طبـعه و تكوينـه،،،
سكر و فوقـه عسـل حالي على حالي
يسوى عيوني عسى عمري فدا عـينه،،،
و ما همنـي غير أشوفـه دايم قبالي
قد كان مافيه حاجز بيني وبينه،،،
حالي من أحواله وحاله من أحوالي
لامن بغيته يمـد الوصل بيدينـه،،،
وإليا بغاني أجي كلي على فالي
نتسابق الطيب في شكله وفي حينه،،،
ويحرجني بطيبه ولايجحد أفعالي
الله محليـه في طبـعه و تكوينـه،،،
سكر و فوقـه عسـل حالي على حالي
أبطى غيابه عسى تبطي به سنينه،،،
ويعيش بيامها متـعـافي وسالي
يـا حلو طـبـعـه ويا ملحه ويازينه،،،
ما يـشـبه إلا غـلاه وذوقه العالي
ماهو بكل من يغيب
الشاعر غازى مشخص
